Anëtari i Kryesisë së PDK-së, Betim Gjoshi,  ka akuzuar ish-kryeministrin Albin Kurti dhe ministrin e Shëndetësisë, Arben Vitia për rritjen e numrit të madh të rasteve pozitive me COVID-19 ditëve të fundit.

Gjoshi përmes një postimi në Facebook, ka shkruar se shifrat e sotme të infektuarve më COVID-19, janë rezultat i lojërave politike me masat kufizuese të Qeverisë së kaluar për të krijuar kushtet për protestat e Vetëvendosjes.

Ai, po ashtu ka akuzuar edhe qeverinë aktuale për keqmenaxhim të pandemisë./arbresh.info

Postimi i plotë:

Shifrat e ditës së sotme flasin për 129 të infektuar me Covid-19 dhe nuk kemi nevojë ta fshehim – këto janë dhuratë nga Albin K. dhe Arben Vitia.

Këto shifra janë rezultat i lojërave politike me masat kufizuese të Qeverisë së kaluar për të krijuar kushtet për protestat e Vetëvendosjes.

Kurse, komplet keqmenaxhimi i pandemisë është për shkak të dy partive politike LDK-së dhe VV-së, të cilat edhe pse ishin partnerë në qeverisje më shumë luftuan njëra tjetrën se koronavirusin.